បាយស៊ូស៊ី​ពូតជាមួយផ្លែឈើ និងបន្លែ

1) លាងហើយសម្រកទឹកពីអង្ករ ទុកវាក្នុងកញ្ច្រែងដែករយៈពេល 30 នាទី បន្ទាប់មកដាក់វាដាំនៅក្នុងឆ្នាំងដាំបាយអគ្គិសនី។ ខណៈពេលដាំបាយ ច្របាច់ក្រូចក្រហមដោយប្រើប្រដាប់ច្របាច់ក្រូច។

2) ផ្ទេរបាយដែលដាំរួចទៅដាក់ក្នុងចាន ហើយលាយទឹកក្រូចក្រហម ទឹកក្រូចឆ្មា និងអំបិល។ ធ្វើបាយស៊ូស៊ី ដោយច្របល់វាឱ្យសព្វ ជាមួយវែកដួសបាយសើម។

3) ស្ងោរផ្កាខាណូឡា រួចហាន់ជាពីរឱ្យស្មើល្អសម្រាប់ធ្វើបាយស៊ូស៊ី ហើយកាត់ផ្កាខាណូឡាពាក់កណ្ដាលទៀតជាឆ្នូតប្រវែង 4 cm សម្រាប់ការតុបតែង។ ប្រឡះ ហើយស្ងោរគ្រាប់សណ្ដែកបារាំង បកសម្បកចេញ បន្ទាប់មកហាន់ជាដុំៗសម្រាប់ធ្វើបាយស៊ូស៊ី ដោយទុកសណ្ដែកទាំងមូលពីរបីសម្រាប់ការតុបតែង។

4) បែងចែកបាយស៊ូស៊ីជាបីចំណែកស្មើៗគ្នា។ ទុកមួយចំណែកដោយមិនលាយអ្វី លាយមួយចំណែកជាមួយផ្កាខាណូឡាដែលបានហាន់រួច ហើយលាយមួយចំណែកចុងក្រោយជាមួយគ្រាប់សណ្ដែកបារាំងដែលបានហាន់រួច។

5) គ្រឿងបន្ថែមពីលើ៖ ហាន់ត្រីសាម៉ុន ធូណា និងលៀសសមុទ្រ។ ស្ងោរបង្គាជាមួយទឹកអំបិល ហើយកាត់បង្គាជាពីរ។

6) គ្រឿងបន្ថែមពីលើ៖ គោះស៊ុតដាក់ក្នុងចាន កូរបំបែកវា ហើយដាក់អំបិល និងស្ករមួយចឹបចូល។ កម្ដៅខ្ទះចៀនដែលមានប្រេងបន្តិច ចាក់ល្បាយស៊ុតចូល ហើយវាសស៊ុតចៀនឱ្យស្ដើងរាបស្មើ។ កាត់ស៊ុតចៀនជាឆ្នូត។

7) គ្រឿងបន្ថែមពីលើ៖ បត់ស្លឹកស៊ីសូជាពីរ។ ហាន់ប៊ឺរ ស្វាយ គីវី និងឈីសជាចំណិតតូចៗ។

8) ដាក់គ្រឿងបន្ថែមពីលើបន្ទះរុំ បន្ទាប់មកដាក់បាយស៊ូស៊ីដែលអ្នកបានរៀបចំនៅជំហានទី 4 បន្តិច។ សង្កត់គែមបន្ទះរុំចូលគ្នា បត់ហើយច្របាច់វាឱ្យបាយមូលល្អ។ យកបន្ទះរុំចេញ។ ធ្វើដដែលៗឡើងវិញ រហូតដល់ប្រើអស់បាយស៊ូស៊ីទាំងអស់។ ដាក់ដុំបាយស៊ូស៊ីលើចាន ហើយប្រើគ្រឿងផ្សំសម្រាប់តុបតែង ដើម្បីតុបតែងវា។