ទិដ្ឋភាពរួមនៃក្រុមហ៊ុន

បង្កើតឡើងនៅឆ្នាំ 2010 Panasonic Cambodia គឺជាការិយាល័យតំណាងផ្លូវការរបស់ Panasonic Singapore នៅប្រទេសកម្ពុជា ដែលមានភារកិច្ចត្រូវជួយ និងសម្របសម្រួលដល់ការលក់/ការលក់គ្រឿងបន្លាស់ ការធ្វើទីផ្សារ និងការចែកចាយផលិតផល Panasonic ទាំងនៅផ្នែក B2B និង B2C។ Panasonic Cambodia ក៏ប្រាស្រ័យទាក់ទងតំណាងឱ្យសាខាប្រចាំតំបន់អាស៊ីប៉ាស៊ីហ្វិកផងដែរ ក្នុងការបង្កើតនូវផលវិជ្ជមានជានិរន្តដល់សង្គម និងសហគមន៍ដែលខ្លួនផ្ដល់សេវាកម្ម។
 

ការប្តេជ្ញាចិត្តយ៉ាងមុតមាំរបស់ Panasonic ដើម្បីផ្តល់ឲ្យប្រទេសកម្ពុជាទទួលបាន «រស់នៅឱ្យល្អបំផុត»

អស់រយៈពេលជាងមួយសតវត្សរ៍មកហើយ ដែលក្រុមហ៊ុន Panasonic បានសិក្សាពីវិធីដើម្បី ដោះស្រាយបញ្ហាប្រឈមចម្បងៗ ដែលកំពុងកើតមាន និងជះឥទ្ធិពលដល់ការរស់នៅរបស់យើង។ ការចាប់ផ្តើមពីផលិតផល និងការអនុវត្តរបស់យើង វាបានអនុញ្ញាតឱ្យមានឱកាសកែច្នៃ និងផលិតនូវផលិតផលថ្មីៗប្រកបដោយភាពច្នៃប្រឌិតខ្ពស់ ដើម្បីបង្កើតនូវឥទ្ធិពលវិជ្ជមានទៅដល់រស់នៅរបស់មនុស្សក្នុងពិភពលោកទាំងមូល។ ស្ថាបនិករបស់យើងគឺលោក Konosuke Matsushita ក្នុងឆ្នាំ 1918 បានបន្សល់ចក្ខុវិស័យមួយដ៏មុតមាំ និងបន្ដជាកម្លាំងចលករសម្រាប់ការអភិវឌ្ឍអាជីវកម្មរបស់យើងរហូតមកដល់សព្វថ្ងៃ។

Panasonic Cambodia ត្រូវបានបង្កើតឡើងដោយការយកចិត្តទុកដាក់ក្នុងការធ្វើអាជីវកម្មដែលបង្កើតផលប៉ះពាល់ជាវិជ្ជមានតាមរយៈការជំរុញវឌ្ឍនភាពសង្គម និងសុខុមាលភាពរបស់បុគ្គល ស្របតាមទស្សនៈវិស័យសាជីវកម្មរបស់យើង។ សីលធម៌នេះត្រូវបានប្រកាន់ខ្ជាប់នៅក្នុងប្រទេសកម្ពុជាអស់រយៈពេលជាងមួយទស្សវត្សរ៍ ស្របតាមគោលការណ៍ណែនាំរបស់ Panasonic "រស់នៅឱ្យល្អបំផុត" ។

ទស្សនវិស័យនេះគឺជាគោលបំណងនៃការគ្រប់គ្រងមូលដ្ឋានគ្រឹះ ដែលក្រុមហ៊ុនបានបង្កើតឡើង ជាមួយនឹងគោលការណ៍ចំនួន 7 ទៀត។ គោលការណ៍ណែនាំទាំងនេះរួមគ្នាជាត្រីវិស័យមួយ ដើម្បីជួយកំណត់និងរក្សាទិសដៅត្រឹមត្រូវសម្រាប់អាជីវកម្មរបស់យើង។

គោលបំណងនៃការគ្រប់គ្រងមូលដ្ឋានគ្រឹះ អាចឲ្យយើងស្គាល់ពីការលះបង់ ដើម្បីចូលរួមលើកកម្ពស់ការអភិវឌ្ឍសង្គម និងសុខុមាលភាពរបស់ប្រជាជនតាមរយៈបេសកកម្មរបស់យើង។ ភាពរីកចម្រើន និងការអភិវឌ្ឍ អាចត្រូវបានដឹងតាមរយៈការខំប្រឹងប្រែង និងការសហការរបស់និយោជិកទាំងអស់នៅក្នុងក្រុមហ៊ុន ។ នៅក្នុងស្មារតីជាធ្លុងមួយ យើងប្តេជ្ញាចិត្ដក្នុងការបំពេញកាតព្វកិច្ចសាជីវកម្ម ជាមួយការលះបង់ខ្ពស់ ការពុះពារព្យាយាម និងសុចរិតភាព ដោយគោរពតាមគោលការណ៍ 7 ចំណុចខាងក្រោម ដែលជាគោលការណ៍ចម្បងសម្រាប់សម្រេចបាននូវប្រតិបត្តិការបេសកកម្មរបស់យើងនៅក្នុងប្រទេសកម្ពុជា។

ការចូលរួមចំណែកដល់សង្គម
- យើងនឹងចូលរួមរាល់គ្រប់សកម្មភាពសង្គមស្របជាមួយនឹងគោលបំណងនៃការគ្រប់គ្រងមូលដ្ឋានគ្រឹះ និងមានទំនួលខុសត្រូវខ្ពស់ចំពោះសហគមន៍ដែលយើងកំពុងធ្វើប្រតិបត្តិការអជីវកម្ម។

ភាពយុត្តិធម៌និងភាពស្មោះត្រង់
- យើងនឹងធ្វើឲ្យប្រាកដថាយើងផ្ដល់ភាពយុត្តិធម៌ និងភាពស្មោះត្រង់ចំពោះការធ្វើជំនួញ និងប្រកាន់ខ្ជាប់ឥរិយាបទល្អ។ យើងទទួលស្គាល់ថា ទោះបីជាយើងមានទេពកោសល្យ សមត្ថភាព និងចំណេះដឹងខ្ពស់យ៉ាងណាក៏ដោយ បើគ្មានភាពស្មោះត្រង់នោះទេ យើងនឹងមិនអាចទទួលបានតម្លៃនៃការគោរពពីអ្នកដទៃនោះទេ។

កិច្ចសហប្រតិបត្តិការ និងស្មារតីក្រុម
- យើងនឹងប្រមូលផ្តុំបុគ្គលដែលមានទេពកោសល្យនិងសមត្ថភាពដើម្បីសម្រេចគោលដៅរួមរបស់ក្រុមហ៊ុន មិនថាយើងមានទេពកោសល្យ និងជំនាញយ៉ាងណា ប្រសិនបើបុគ្គលិកគ្មានការសហការ និងស្មារតីសាមគ្គីនោះទេ យើងនឹងមានតែឈ្មោះជាក្រុមហ៊ុនប៉ុណ្ណោះ។

ការខិតខំប្រឹងប្រែងដើម្បីភាពរីកចម្រើន
- យើងនឹងខិតខំឥតឈប់ឈរ ដើម្បីបង្កើនសមត្ថភាពក្នុងការចូលរួមចំណែកដល់សង្គមតាមរយៈបេសកកម្មអាជីវកម្មរបស់យើង។ តាមរយៈការខំប្រឹងប្រែងឥតឈប់ឈរនេះ យើងអាចសម្រេចបានគោបំណងនៃការគ្រប់គ្រងមូលដ្ឋានគ្រឹះរបស់យើង សន្តិភាព និងវិបុលភាពយូរអង្វែង។

សុជីវធម៌ និងការដាក់ខ្លួន
- យើងនឹងនៅតែប្រកាន់ខ្ជាប់នូវភាពរួសរាយ និងសីលធម៌ ក្នុងការប្រស្រ័យទាក់ទង ការគោរពសិទ្ធិ និងសេចក្តីត្រូវការរបស់អ្នកដទៃ ដើម្បីពង្រឹងទំនាក់ទំនងក្នុងសង្គមឲ្យកាន់តែល្អប្រសើរ និងលើកកម្ពស់គុណភាពជីវិតនៅក្នុងសហគមន៍របស់យើង។

ការសម្របខ្លួន
- យើងនឹងនូវបន្ដសម្របអាកប្បកិរិយា និងការគិតរបស់យើង ដើម្បីឆ្លើយតបនឹងការប្រែប្រួលស្ថានភាព ដែលមិនធ្លាប់មានពីមុន ហើយយើងនឹងយកចិត្តទុកដាក់ក្នុងការឆ្លើយតមតម្រូវការ ដើម្បីធានាបាននូវវឌ្ឍនភាព និងភាពជោគជ័យនៅក្នុងបេសកកម្មរបស់យើង។

ការដឹងគុណ
- យើងនឹងបង្ហាញពីការដឹងគុណចំពោះគុណប្រយោជន៍ទាំងអស់ ដែលយើងបានទទួល ដោយមានទំនុកចិត្ដថា ឥរិយាបថនេះនឹងក្លាយជាប្រភពនៃសេចក្ដីល្អ និងភាពរីកចម្រើន ដែលអាចជួយឲ្យយើងជំនះរាល់ឧបសគ្គទាំងឡាយ។

ទាំងនេះគឺជាមូលហេតុ ដែលយើងនឹងបន្តខំប្រឹងប្រែងធ្វើឲ្យ Panasonic ជួយឲ្យរបៀបរស់នៅប្រចាំថ្ងៃប្រសើរឡើង ជាមួយនឹងការប្ដេជ្ញាចិត្ដមោះមុត និងពង្រឹងសមត្ថភាពរបស់យើង ដើម្បីផ្តល់នូវទំនុកចិត្តដល់អតិថិជនរបស់យើងអស់ជាច្រើនឆ្នាំកន្លងមកនេះ។

ក្នុងនាមជាក្រុមហ៊ុនជំនួញសាធារណៈ នៅក្នុងសង្គម និងពិភពលោក យើងសន្យាថា យើងនឹងបន្តរួមចំណែកដល់ការអភិវឌ្ឍប្រកបដោយនិរន្តរភាពនាពេលអនាគត តាមរយៈបេសកកម្មរបស់យើងឆ្ពោះទៅរកចក្ខុវិស័យរួមតែមួយ ដែលយើងបានបង្កើតឡើង។

យើងមានការយកចិត្តទុកដាក់ និងស្រលាញ់យ៉ាងជ្រាលជ្រៅចំពោះបេសកកម្មរបស់យើងក្នុងការជួយប្រជាជនកម្ពុជាឱ្យរស់នៅក្នុងជីវិតល្អបំផុតរបស់ពួកគេតាមដែលអាចធ្វើទៅបាន។ យើងសង្ឃឹមយ៉ាងមុតមាំថា អ្នកនឹងចូលរួមជាមួយយើងក្នុងការខិតខំប្រឹងប្រែងរបស់យើង និងគាំទ្រយើង នៅពេលដែលយើងធ្វើការឆ្ពោះទៅសម្រេចបាននូវចក្ខុវិស័យដ៏បំផុសគំនិតនេះ។ តាមរយៈការរួមគ្នា យើងអាចបង្កើតភាពខុសគ្នាដ៏មានន័យនៅក្នុងជីវិតរបស់ប្រជាជនកម្ពុជា និងជួយបង្កើតអនាគតដ៏ភ្លឺស្វាងសម្រាប់ទាំងអស់គ្នា។

ខែមេសា ឆ្នាំ 2024
លោក Hisakazu Maeda
នាយកប្រតិបត្តិ និងនាយកប្រចាំប្រទេស នៃក្រុមហ៊ុន Panasonic Cambodia