ទឹកដោះគោអាល់ម៉ុន
ទឹកដោះគោអាល់ម៉ុនត្រូវបានចម្រាញ់ចេញតែពីគ្រាប់អាម៉ង់ប៉ុណ្ណោះ ដែលស្រដៀងនឹងទឹកសណ្ដែកសៀង ដែលផលិតចេញពីការកិន និងច្រោះសណ្តែកសៀង។ ចំណុចល្អនោះគឺគ្រាប់អាល់ម៉ុនផ្ទុកនូវសារធាតុចិញ្ចឹមជាច្រើនប្រភេទរួមមាន ជាតិប្រូតេអ៊ីន សរសៃហ្វាយប៊ឺ វីតាមីន ម៉ាញ៉េស្យូម ប៉ូតាស្យូម ផូស្វ័រ ជាតិស័ង្កសី ម៉ង់ហ្គាណែស ទ្រីប៉ូផូន កាល់ស្យូម និងហ្វ្លាវូណ័យ។ ហ្វ្លាវូណ័យជួយកាត់បន្ថយជាតិកូឡេស្តេរ៉ូល និងជួយធ្វើឱ្យបេះដូងមានសុខភាពល្អ។ សារធាតុប្រឆាំងអុកស៊ីតកម្មក៏មាននៅក្នុងគ្រាប់អាល់ម៉ុនផងដែរ ដែលជួយឱ្យប្រព័ន្ធភាពស៊ាំប្រសើរឡើង ខណៈសារធាតុប្រីបាយអូទិចជួយដល់ប្រព័ន្ធរំលាយអាហារ។
គ្រឿងផ្សំ
- គ្រាប់អាល់ម៉ុន 1 ពែង ត្រាំក្នុងទឹកក្ដៅឧណ្ហៗរយៈពេល 1 យប់
- ទឹកក្ដៅឧណ្ហៗ 4 ពែង
- ទឹកវ៉ានីឡា 0.5 ស្លាបព្រាបាយ
- ទឹកឃ្មុំ 1.5 ស្លាបព្រាបាយ
- 250 mlទឹកក្ដៅឧណ្ហៗ
របៀបធ្វើ
1) ប្រើថូប៉ូលីកាបូណាត ដែលមានស្នូលត្រងសាច់ចេញពីទឹក ហើយដាក់គ្រាប់អាល់ម៉ុនទៅក្នុងស្នូល។
2) ចាក់ទឹកក្ដៅឧណ្ហៗ ទឹកវ៉ានីឡា និងទឹកឃ្មុំចូល។ កិនគ្រឿងផ្សំរួមគ្នា។
3) កម្ដៅទឹកដោះគោក្នុងមីក្រូវ៉េវ មុននឹងទទួលទាន។ ទឹកដោះគោអាចរក្សាទុកនៅក្នុងទូទឹកកកបានរយៈពេល 1 សប្ដាហ៍។
កំណត់ចំណាំ៖ អាចប្រើម៉ាស៊ីនកិនក្រឡុកដែលរបស់ Panasonic ម៉ូដែល MX-AC210SWUA ជំនួសវិញបាន។
ការរក្សាទុកអាហារ និងបច្ចេកវិទ្យាចម្អិនអាហារ
ដោយមានការបំផុសគំនិតនៃវិធីសាស្រ្តចម្អិនអាហារបែបប្រពៃណី និងការផ្ដោតលើគ្រឿងផ្សំស្រស់ៗ បច្ចេកវិទ្យាច្នៃប្រឌិតរបស់ Panasonic អនុញ្ញាតឱ្យរក្សាទុកគ្រឿងផ្សំឱ្យនៅស្រស់ៗព្រមទាំងរក្សាបាននូវសារធាតុចិញ្ចឹមពីធម្មជាតិ និងរសជាតិសាច់ក្នុងអំឡុងពេលចម្អិន ដើម្បីឱ្យការរៀបចំអាហារមានជីវជាតិប្រព្រឹត្តទៅដោយរីករាយ។
រក្សាគ្រឿងផ្សំឱ្យនៅស្រស់ និងមានអនាម័យ
បច្ចេកវិទ្យារក្សាទុក និងបង្កកតែមួយគត់របស់ Panasonic ធានាថាអាហាររក្សាបាននូវជីវជាតិរបស់វាអំឡុងពេលរក្សាទុក ដែលអាចឱ្យអ្នករីករាយជាមួយអាហារស្រស់ៗ និងមានជីវជាតិដែលអ្នកចង់បាន។
ងាយស្រួលក្នុងការចម្អិនអាហារដែលមានជីវជាតិ និងឈ្ងុយឆ្ងាញ់
បរិក្ខារប្រើប្រាស់ក្នុងផ្ទះបាយរបស់ Panasonic មានមុខងារបច្ចេកវិទ្យាដែលជួយសម្រួលដល់ការចម្អិនម្ហូបអាហារដោយមិនធ្វើឱ្យរសជាតិ ឬជីវជាតិពីធម្មជាតិរបស់អាហារមានការប្រែប្រួល។
