នំសាំមូហ្សាសាច់គោ

1) បុកដំឡូងបារាំង និងសណ្ដែកបារាំងចូលគ្នា រួចទុកមួយឡែក។

2) កម្ដៅប្រេងឱ្យក្ដៅល្មមនៅក្នុងខ្ទះឆាធំមួយ។

3) ដាក់គ្រាប់ជីខាំមីន និងស្លឹកប៊េចូល។ ចម្អិនរហូតទាល់តែវាប្រែជាពណ៌មាសបន្តិច។

4) លាយខ្ទឹមបារាំង និងសាច់ចិញ្ច្រាំនៅក្នុងចាន។

5) ដាក់ចូលទៅក្នុងខ្ទះ ហើយចម្អិនរយៈពេល 5 នាទីរហូតដល់សាច់គោចិញ្រ្ចាំប្រែពណ៌ ហើយខ្ទឹមបារាំងទន់។

6) ដាក់ខ្ទឹមស, មើមខ្ញីស្រស់, ម្រេចខ្មៅ, អំបិល, ជីខាំមីន, ស្លឹកជីវ៉ាន់ស៊ុយ, រមៀត, ម្សៅម្ទេស, ជីយីហ៊ុប និងក្រវ៉ាញចូល។ កូរល្បាយដំឡូងបារាំងដែលបានបុកហើយ។ 

7) យកចេញពីម៉ាស៊ីនកម្ដៅ និងទុកក្នុងទូរទឹកកករហូតដល់ត្រជាក់។ ដាក់ស្លឹកជីវ៉ាន់ស៊ុយចិញ្ច្រាំចូល។

8) ហាន់នំហ្វីឡូជាបន្ទះវែងៗទទឹង 4 cm និងបណ្ដោយ 40 cm។ កាត់​ ២​ ឬ ៣​​ បន្ទះក្នុងមួយលើក​ បន្ទាប់មកប្រើកន្សែងយកទៅគ្របបន្ទះដែលនៅសល់។

9) លាបបន្ទះនីមួយៗដោយប្រើប័ររាវ។

10) ដាក់ល្បាយប្រហែល 1 ស្លាបព្រាបាយនៅលើបន្ទះនំហ្វីឡូនីមួយៗ។

11) បត់បន្ទះជារាងត្រីកោណ ដោយសង្កត់គែមរួមគ្នាដោយប្រើម្រាមដៃដែលសើម។

12) ដាក់នៅលើថាសឡ ហើយចម្អិននៅក្នុងឡក្ដៅល្មមកម្រិត 180°C រហូតដល់ស្រួយ និងប្រែទៅជាពណ៌មាស។

13) ញ៉ាំជាមួយគ្រឿងជ្រលក់