ជួបជាមួយបុគ្គលិករបស់យើង
ក្រុមហ៊ុន Panasonic អាចជាជម្រើសដ៏ល្អឥតខ្ចោះសម្រាប់អ្នក និងអនាគតការងា។ តើអ្នកអន្ទះសារចង់ស្វែងយល់ តើការធ្វើការនៅក្រុមហ៊ុន Panasonic មានអត្ថន័យធំធេងយ៉ាងណាទេ? បុគ្គលិករបស់យើងរីករាយជាមួយរបៀបរស់ ដែលមានលំនឹងស្មើគ្នាបំផុតរវាងគ្រួសារ និងការងារ។ ស្វែងយល់ពីរបៀបដែលយើងរីករាយេធ្វើរការងារនៅក្រុមហ៊ុន Panasonic។
![Sam Techkong](/content/dam/Panasonic/corporate/kh/km/about-panasonic/careers/life-at-panasonic/Meet-Our-People.jpg)
Sam Techkong
Assistant General Manager
តើអ្នកបានធ្វើអ្វី មុនពេលចូលរួមជាមួយក្រុមហ៊ុន Panasonic?
ខ្ញុំបានសិក្សាផ្នែកវិស្វកម្មអគ្គិសនីនៅវិទ្យាស្ថានបច្ចេកវិទ្យាកម្ពុជា។ បន្ទាប់ពីបញ្ចប់ការសិក្សានៅឆ្នាំ 2010 ខ្ញុំមានសំណាងបានចូលធ្វើការឱ្យក្រុមហ៊ុន Panasonic ភ្លាមៗ។
តើអ្នកធ្វើអ្វីខ្លះនៅក្រុមហ៊ុន Panasonic?
បច្ចុប្បន្នខ្ញុំគឺជាជំនួយការនាយកគ្រប់គ្រងទូទៅ ទទួលបន្ទុកផ្នែកទីផ្សារផលិតផល។ ខ្ញុំទទួលខុសត្រូវខាងស្ទង់មតិទីផ្សារ ដោយធ្វើការស្រាវជ្រាវនិងវិភាគ អភិវឌ្ឍគម្រោងនិការរៀបចំយុទ្ធសាស្ត្រធ្វើទីផ្សារផលិតផល និងជួយបង្កើតក្រុមការងារធ្វើទីផ្សារដ៏រឹងមាំ។ ក្នុងនាមជាមេក្រុម ខ្ញុំជំរុញឱ្យក្រុមការងារផ្នែកទំនាក់ទំនង និងផ្នែកទីផ្សាររបស់ខ្ញុំធ្វើយុទ្ធនាការផ្សព្វផ្សាយ និងផ្សាយពាណិជ្ជកម្ម ដែលបង្កើតលទ្ធផលអាជីវកម្មប្រកបដោយនិរន្តរភាព។ លើសេពីនេះខ្ញុំក៏បង្កើត និងរក្សាទំនាក់ទំនងជាមួយអតិថិជន និងដៃគូបណ្ដាញផងដែរ។
តើអ្នកពេញចិត្តក្រុមហ៊ុន Panasonicត្រង់ចំណុចណាខ្លះ?
ខ្ញុំពេញចិត្តក្រុមហ៊ុន Panasonic ត្រង់ថាក្រុមហ៊ុននេះជាក្រុមហ៊ុនកម្រិតសកលដែលមានវប្បធម៌ចម្រុះ ដូច្នេះអ្នកអាចជួបមនុស្សពីជុំវិញពិភពលោក។ ក្រុមហ៊ុន Panasonic ផ្ដល់ឱកាសជាច្រើន និងជួយណែនាំមនុស្សឱ្យសម្រេចការងារក្នុងក្ដីស្រមៃរបស់ពួកគេ។
គំនិតរបស់ខ្ញុំចាប់ផ្ដើមផុសផុលយ៉ាងខ្លាំង នៅពេលបានអានសម្រង់សម្ដីមួយឃ្លារបស់ស្ថាបនិកក្រុមហ៊ុន អំឡុងពេលហាត់ការងារក្រុមហ៊ុនជាលើកដំបូង។ លោក Konosuke Matsushita បានមានប្រសាសន៍ថា “អភិវឌ្ឍមនុស្សមុននឹងបង្កើតផលិតផល”។ មនុស្សគឺជាអ្នកបង្កើតអាជីវកម្ម។ ដូច្នេះការអភិវឌ្ឍធនធានមនុស្សឱ្យបានល្អគួរតែជាភារកិច្ចសំខាន់បំផុតរបស់យើង។ ប្រសិនបើអ្នកចង់ឆ្ពោះទៅរកការងារនាពេលអនាគតរបស់អ្នកក្នុងវិស័យនេះ ក្រុមហ៊ុន Panasonic អាចនាំគោលដៅការងាររបស់អ្នកឆ្ពោះទៅរកភាពជោគជ័យ។
![Nieleshika Wijenaika](/content/dam/Panasonic/corporate/kh/km/about-panasonic/careers/life-at-panasonic/Meet-Our-People-2.jpg)
Nileshika Wijenaike
Brand Manager
តើអ្នកបានធ្វើអ្វី មុនពេលចូលរួមជាមួយក្រុមហ៊ុន Panasonic?
ខ្ញុំបានបញ្ចប់ការសិក្សាបរិញ្ញាបត្រផ្នែកពាណិជ្ជកម្ម ពីមហាវិទ្យាល័យគ្រប់គ្រងនៃសាកលវិទ្យាល័យ Sri Jayewardenepura នៅប្រទេសស្រីលង្កា ហើយក្រោយមកបានបន្តការសិក្សាផ្នែកទីផ្សារ នៅទីក្រុង Cardiff Metropolitan នៃចក្រភពអង់គ្លេស។ ខ្ញុំក៏ទទួលបានសញ្ញាបត្រផ្នែកធនាគារ និងហិរញ្ញវត្ថុពីវិទ្យាស្ថាន IFS-London ព្រមទាំងបានបំពេញជំនាញផ្នែកទីផ្សារ ដោយធ្វើជាសមាជិកនៃស្ថាប័ន Charted Institute of Marketing នៅចក្រភពអង់គ្លេសផងដែរ។
ខ្ញុំបានចាប់ផ្ដើមការងាររបស់ខ្ញុំនៅក្រុមហ៊ុន FMCG multinational ដ៏ល្បីឈ្មោះមួយកន្លែង ហើយ
ទទួលបានបទពិសោធន៍ដោយផ្ទាល់ជាមួយម៉ាក FMCG ប្រភេទថែទាំផ្ទះសម្បែង។ ក្នុងអំឡុងពេល
កាន់ការងារនេះ ខ្ញុំមានសិទ្ធិចូលរួមក្នុងគំនិតផ្ដួចផ្ដើមជាច្រើន ដូចជាការលក់ផលិតផល បទ
ពិសោធន៍ ចំណេះដឹងយ៉ាងច្រើនក្នុងទិដ្ឋភាពផ្សេងៗនៃយុទ្ធនាការផ្សាយពាណិជ្ជកម្ម ទីផ្សារ និង
ទំនាក់ទំនងសាធារណៈ។ ក្រោយមក ខ្ញុំបានចូលធ្វើការឱ្យក្រុមហ៊ុនប្រេងកាត និងឧស្ម័នធំបំផុត
ប្រចាំប្រទេសស្រីលង្កា ដើម្បិជម្នះខ្លួនឯងទៅធ្វើការក្នុងវិស័យ/ឧស្សាហកម្មខុសពីមុនទាំងស្រុង។
ក្នុងអំឡុងពេលនេះ ខ្ញុំមានជំនាញក្នុងវិស័យជាច្រើន ដូចជាការត្រិះរិះវិភាគ ការគិតប្រកបដោយ
ភាពច្នៃប្រឌិត ដើម្បីបំពេញចន្លោះប្រហោងរវាងបច្ចេកវិទ្យាសម្រាប់ផលិតផល និងការរំពឹងទុក
របស់អតិថិជន។ ភាពជោគជ័យនៃយុទ្ធនាការធ្វើទីផ្សារដែលខ្ញុំបានបង្កើតគឺជាការបញ្ជាក់យ៉ាង
ច្បាស់តាមរយៈភាគហ៊ុនទីផ្សារដ៏មហាសាល ដែលក្រុមហ៊ុននេះសម្រេចបានក្នុងរយៈពេល 2 ទៅ 3
ឆ្នាំ ចាប់តាំងពីធ្វើយុទ្ធនាការមក។
តើអ្នកធ្វើជាអ្វីនៅក្រុមហ៊ុន Panasonic?
ខ្ញុំបានចូលធ្វើការឱ្យក្រុមហ៊ុន Panasonic កាលពីឆ្នាំមុនដែលមានតួនាទីជាអ្នកគ្រប់គ្រងម៉ាក បន្ទាប់ពីផ្លាស់ទៅប្រទេសកម្ពុជានៅឆ្នាំ 2017។ តួនាទីជាចម្បងរបស់ខ្ញុំគឺរក្សាឈ្មោះរបស់ម៉ាកជាមួយគន្លឹះគំនិតផ្ដួចផ្ដើមក្នុងការធ្វើទីផ្សាររបស់ក្រុមហ៊ុន ដោយរៀបចំគម្រោង និងធ្វើសកម្មភាពផ្នែកទំនាក់ទំនង និងប្រព័ន្ធផ្សព្វផ្សាយតាមបណ្ដាញផ្សេងៗ ជាពិសេសលើប្រព័ន្ធផ្សព្វផ្សាយតាមអ៊ីនធឺណិត និងប្រព័ន្ធផ្សព្វផ្សាយសង្គម។ ការងារក្នុងផ្នែកនេះ ខ្ញុំមិនត្រឹមតែធ្វើការពាក់ព័ន្ធនឹងគម្រោងទីផ្សារ B2C ប៉ុណ្ណោះទេ ថែមទាំងកិច្ចការទីផ្សារ B2B ទៀតផង។ ការធ្វើបែបនេះផ្ដល់បទពិសោធន៍ខុសៗពីមុន ដោយសារការធ្វើទីផ្សារ B2B មានលក្ខណៈផ្ទាល់ខ្លួនជាងមុន និងផ្អែកលើទំនាក់ទំនង ដែលផ្ទុយពី B2C ដែលនាំឱ្យមានអ្នកមើលច្រើន។ មនុស្សមួយចំនួនប្រហែលជាគិតថា ផ្នែកម៉ាក/ធ្វើទីផ្សារនៅក្រៅប្រទេសដែលមានជាតិសាសន៍ខុសគ្នាគឺជាការងារដ៏ពិបាក ប៉ុន្តែខ្ញុំមិនយល់ស្របចំពោះការលើកឡើងបែបនេះទេ។ ចំពោះខ្ញុំ ប្រទេសកម្ពុជាគឺជាផ្ទះទីពីររបស់ខ្ញុំ ហើយខ្ញុំស្រឡាញ់ចូលចិត្តប្រជាជនកម្ពុជាណាស់។ តាមមើល ប្រហែលជាយើងមានសាសនា និងវប្បធម៌ស្រដៀងគ្នាហើយ។
តើអ្នកពេញចិត្តក្រុមហ៊ុន Panasonic ត្រង់ចំណុចណា?
ខ្ញុំគិតថាចំណុចល្អបំផុតនៃការធ្វើការឱ្យក្រុមហ៊ុន Panasonic គឺការទទួលបានឱកាស និងបទពិសោធន៍តាមរយៈការធ្វើការជាមួយបុគ្គលិកចម្រុះជាតិសាសន៍ និងក្រុមហ៊ុនប្រចាំតំបន់ផ្សេងៗគ្នាតាមរចនាសម្ព័ន្ធបែបម៉ាទ្រីស។ ដោយសារក្រុមហ៊ុន Panasonic គឺជាស្ថាប័នសកល ក្រុមហ៊ុននេះផ្ដល់នូវឱកាសជាច្រើនក្នុងការធ្វើឱ្យការងាររបស់អ្នករីកចម្រើនតាមរយៈវប្បធម៌សហការ និងចាប់ដៃគូជាមួយគ្នា។ យើងទទួលបានការបណ្ដុះបណ្ដាល និងការអភិវឌ្ឍឥតឈប់ឈរពីសំណាក់សមភាគីជប៉ុនរបស់យើង ក៏ដូចជាគ្រូបណ្ដុះបណ្ដាលអន្តរជាតិផ្សេងទៀតផងដែរ។ ធ្វើការនៅក្រុមហ៊ុន Panasonic គឺមិនចេះនឿយហត់នោះទេ ដោយសារក្រុមហ៊ុននេះតែងលើកទឹកចិត្តឱ្យបុគ្គលិករក្សាលំនឹងការងារ និងជីវិតផ្ទាល់ខ្លួន។ ជាញឹកញាប់ យើងរីករាយជាមួយមិត្តរួមការងារនៅពេលសម្រាកញ៉ាំអាហារថ្ងៃត្រង់ និងអាហារពេលល្ងាចដែលក្រុមហ៊ុនជាអ្នករៀបចំ ដូច្នេះយើងអាចមានទំនាក់ទំនង និងការជឿទុកចិត្តជាមួយមិត្តរួមការងារ ក៏ដូចជាអតិថិជនផងដែរ។ ខ្ញុំមានទំនុកចិត្តខ្ពស់ក្នុងការណែនាំថា ក្រុមហ៊ុន Panasonic គឺជាក្រុមហ៊ុនដ៏ល្អបំផុតមួយក្នុងប្រទេសកម្ពុជា សម្រាប់ឱ្យយុវជនអភិវឌ្ឍជំនាញឬការងាររបស់ខ្លួន។
![Chutinum Yartmi](/content/dam/Panasonic/corporate/kh/km/about-panasonic/careers/life-at-panasonic/Meet-Our-People-3.jpg)
Chutinum Yartmi
Marketing Assistant Manager
តើអ្នកបានធ្វើអ្វី មុនពេលចូលរួមជាមួយក្រុមហ៊ុន Panasonic?
ខ្ខ្ញុំបានបញ្ចប់ការសិក្សាថ្នាក់បរិញ្ញាសញ្ញាបត្រពីមហាវិទ្យាល័យមនុស្សសាស្ត្រ ជំនាញផ្នែកភាសាជប៉ុន។ ក្នុងអំឡុងពេលសិក្សា ខ្ញុំបានធ្វើការជាគ្រូបង្រៀនភាសាជប៉ុនក្រៅម៉ោងអស់រយៈពេលមួយឆ្នាំ និងធ្វើការងារក្រៅម៉ោងនៅហាងកាហ្វេអូស្ត្រាលីដ៏ល្បីឈ្មោះមួយកន្លែង។ ប៉ុន្មានខែក្រោយមក ខ្ញុំបានឡើងតំណែងជាអ្នកគ្រប់គ្រងក្រៅម៉ោង ហើយ 8 ខែក្រោយមកទៀតខ្ញុំបានឡើងតំណែងជាអ្នកគ្រប់គ្រងទូទៅ។ បន្ទាប់ពីបញ្ចប់ការសិក្សា ខ្ញុំបានទទួលការងារជាលេខានាយកប្រតិបត្តិក្នុងក្រុមហ៊ុនដដែល ហើយក្រុមហ៊ុននេះក៏មានសេវាកម្មថែទាំរថយន្តផងដែរ ដែលជាទំនួលខុសត្រូវន្ថែមសម្រាប់ខ្ញុំ។ ខ្ញុំក៏បានចូលរៀនថ្នាក់ MBA ដោយសិក្សាបណ្ដើរធ្វើការបណ្ដើរ ដើម្បីបង្កើនចំណេះដឹង និងបទពិសោធន៍ក្នុងពេលតែមួយ។
ដើម្បីរៀនសូត្របន្ថែមទៀត ក្រោយធ្វើការក្នុងឧស្សាហកម្មអាហារ និងភេសជ្ជៈបាន 4 ឆ្នាំកន្លះ ខ្ញុំក៏សម្រេចចិត្តចូលរៀននៅសាលាបធ្វើនំមួយកន្លែងក្នុងទីក្រុងតូក្យូ ប្រទេសជប៉ុន។ ក្នុងអំឡុងឆ្នាំសិក្សាថ្នាក់មហាវិទ្យាល័យ ខ្ញុំបានធ្វើការងារក្រៅម៉ោងជាច្រើនកន្លែង។ ខ្ញុំចូលចិត្តប្រាស្រ័យទាក់ទងជាមួយអតិថិជន ហើយការងាររបស់ខ្ញុំភាគច្រើនពាក់ព័ន្ធនឹងការលក់ និងសេវាជំនួយអតិថិជន។ មួយផ្នែកទៀតនៃការងាររបស់ខ្ញុំគឺត្រួតពិនិត្យ និងគ្រប់គ្រងស្តុក ក៏ដូចជាសរសេរប្លក់(Blog) និងរបាយការណ៍ផងដែរ។ ខ្ញុំមានឱកាសជួបអតិថិជនជាតិ និងអន្តរជាតិ ដែលជាឱកាសល្អក្នុងការពង្រឹងភាសារ និងបទពិសោធន៍ផ្នែកដំណើរការលក់ ការគ្រប់គ្រងប្រតិបត្តិការ និងសេវាជំនួយអតិថិជននៅក្នុងវប្បធម៌ដែលមានបរិបទផ្សេងៗជាច្រើន។
តើអ្នកធ្វើជាអ្វីនៅក្រុមហ៊ុន Panasonic?
ខ្ញុំគឺជាជំនួយការអ្នកគ្រប់គ្រងផ្នែកធ្វើទីផ្សារផលិតផល ទទួលបន្ទុកផ្នែកបរិក្ខារប្រើប្រាស់ផ្ទះបាយ សម្រស់ ការរស់នៅ និងទុយោរទឹកផ្កាឈូកតាមផ្ទះជាដើម។ ការងាររបស់ខ្ញុំគឺជួបជាមួយអតិថិជន និងណែនាំផលិតផលរបស់យើងឱ្យពួកគេស្គាល់ បង្កើតយុទ្ធសាស្ត្រធ្វើទីផ្សារឱ្យលក់ដាច់ ដោយចាប់ផ្ដើមពីការពិភាក្សាប្ដូរយោបល់ជាមួយក្រុមការងារ។ បញ្ហាថ្មីៗបានកើតមានជារៀងរាល់ថ្ងៃ ហេតុនេះយើងត្រូវរកនឹកយុទ្ធសាស្ត្រថ្មីៗ ដែលសមស្របទៅតាមស្ថានភាពនីមួយៗទៅតាមការប្រែប្រួលនិន្នាការទីផ្សារបច្ចុប្បន្ន។ ទន្ទឹមនឹងនេះ ខ្ញុំក៏ធ្វើការទំនាក់ទំនងជាមួយការិយាល័យសកលរបស់យើង ដើម្បីទទួលបានព័ត៌មានថ្មីៗអំពីដំណើរការងារ និងផ្លាស់ប្ដូរចំណេះដឹងអំពីផលិតផលផងដែរ។
តើអ្នកពេញចិត្តក្រុមហ៊ុន Panasonic ត្រង់ចំណុចណា?
ផ្អែកតាមបទពិសោធន៍ការងារពីមុន ក្រុមហ៊ុន Panasonic ខុសប្លែកពីក្រុមហ៊ុនដ៍ទៃទៀត។ នៅទីនេះ យើងទទួលបានឱកាសថ្មីៗ សេរីភាពក្នុងការបង្កើតយុទ្ធសាស្ត្រដែលមានភាពច្នៃប្រឌិតផងដែរ។ ក្រុមហ៊ុននេះក៏ជួយឱ្យជីវិត និងការងាររបស់យើងមានលំនឹងល្អផងដែរ ដែលធ្វើឱ្យមានសម្ពាធការងារ និងសមតម្លៃក្នុងការធ្វើការ។ ជាការពិតណាស់ ខ្ញុំចូលចិត្តក្រុមការងាររបស់ក្រុមហ៊ុន Panasonic ដែលបើកចំហសម្រាប់ការទំនាក់ទំនងជាសកលទៅវិញទៅមក និងមានការផ្លាស់ប្ដូរចំណេះដឹងជាមួយក្រុមការងារ។ ទាំងនេះជាចំណុចដែលខ្ញុំពេញចិត្តនឹងធ្វើការនៅក្រុមហ៊ុន Panasonic។
![Sao Kumpheak](/content/dam/Panasonic/corporate/kh/km/about-panasonic/careers/life-at-panasonic/Meet-Our-People-4.jpg)
Sao Kumpheak
Site Engineer
តើអ្នកបានធ្វើអ្វី មុនពេលចូលរួមជាមួយក្រុមហ៊ុន Panasonic?
ខ្ញុំបានបញ្ចប់ការសិក្សាដោយទទួលបានសញ្ញាបត្រថ្នាក់បរិញ្ញាផ្នែកអេឡិចត្រូនិចពីវិទ្យាស្ថានពហុ
បច្ចេកទេសព្រះកុសុមៈ (PPI) នៅឆ្នាំ 2014។ ពីឆ្នាំ 2012 ដល់ឆ្នាំ 2018 ខ្ញុំជាអ្នកមើលការខុសត្រូវ
ផ្នែកបច្ចេកទេសនិងថែទាំម៉ាស៊ីនត្រជាក់ក្នុងអគារ រួមមានម៉ាស៊ីនត្រជាក់ Multi V ឬ HVAC ការ
ជួសជុល និងកត់ត្រាការប្រើប្រាស់ថាមពលពីម៉ូនីទ័រគ្រប់គ្រងម៉ាស៊ីនត្រជាក់ (ACM) ក៏ដូចជាការ
គ្រប់គ្រងកាលវិភាគថែទាំ និងប្រព័ន្ធទំនាក់ទំនងផងដែរ។
តើអ្នកធ្វើជាអ្វីនៅក្រុមហ៊ុន Panasonic?
បច្ចុប្បន្ននេះ ខ្ញុំធ្វើការត្រួតពិនិត្យនៅតាមទីតាំង និងផ្តល់ការបណ្តុះបណ្តាលទៅកាន់អ្នកតំឡើង
អំពីរបៀបដំឡើងទុយោស្ពាន់ ដោយប្រើប្រព័ន្ធបច្ចេកទេសរបស់ក្រុមហ៊ុន Panasonic។ ខ្ញុំក៏រៀបចំ
របាយការណ៍ប្រចាំសប្តាហ៍ ការគ្រប់គ្រងការដំឡើងម៉ាស៊ីនត្រជាក់ និងការធ្វើតេស្ត P-AIMS
(កម្មវិធីរបស់ក្រុមហ៊ុន Panasonic ដែលរចនាឡើងដើម្បីផ្ដល់លទ្ធភាពឱ្យអាចគ្រប់គ្រងមុខម៉ាស៊ីន
ត្រជាក់ទាំងអស់នៅក្នុងអាគារបានដោយប្រើកុំព្យូទ័រ) នៅតាមទីតាំង ផ្ដល់ជំនួយដល់អ្នកដំឡើង
នៅពេលដែលជួបប្រទះនឹងបញ្ហាឬនៅពេលធ្វើតេស្ត និងជ្រើសរើសអ្នកជំនាញ។ លើសពីនេះទៀត
ខ្ញុំក៏ដឹកនាំសេវាកម្មជួសជុលនៅតាមទីតាំង គ្រប់គ្រងសំណើស្នើសុំគ្រឿងបន្លាស់ និងជួយដល់ក្រុម
បច្ចេកទេសនៅតាមទីតាំងដែលពាក់ព័ន្ធនឹងការត្រួតពិនិត្យ និងតម្រូវការជួសជុល ដើម្បីធានាថា
អគារមានសុវត្ថិភាព និងសន្តិសុខ។
តើអ្នកពេញចិត្តក្រុមហ៊ុន Panasonic ត្រង់ចំណុចណា?
ចំណុចពិសេសនៃការធ្វើការនៅក្រុមហ៊ុន Panasonic គឺយើងទទួលបានឱកាសក្នុងការសិក្សា និងស្វែងយល់អំពីផលិតផលបច្ចេកទេសថ្មីៗ ដើម្បីបង្កើនចំណេះដឹងផ្ទាល់ខ្លួន។ ហើយដោយសារយើងរក្សាបាននូវតុល្យភាពនៃជីវិតការងារ យើងតែងតែពួកគេមានពេលវេលាជួបជុំជាមួយក្រុមការងារ បន្ទាប់ពីធ្វើការរួចជារៀងរាល់ខែ ដើម្បីបង្កើនភាពស្និទ្ធស្នាល ទោះបីជាស្ថិតនៅ ឬមិនស្ថិតនៅក្នុងក្រុមការងារផ្នែកតែមួយក៏ដោយ។
![Kung Bora](/content/dam/Panasonic/corporate/kh/km/about-panasonic/careers/life-at-panasonic/Meet-Our-People-5.jpg)
Kung Bora
Technician
តើអ្នកបានធ្វើអ្វី មុនពេលចូលរួមជាមួយក្រុមហ៊ុន Panasonic?
ខ្ញុំបានបញ្ចប់ថ្នាក់វិទ្យាល័យនៅខេត្តតាកែវ ហើយបានមកភ្នំពេញ ដើម្បីបន្តការសិក្សា។ នេះគឺជាបទពិសោធន៍ថ្មីមួយសម្រាប់ខ្ញុំក្នុងការរស់នៅឆ្ងាយពីគ្រួសារ និងត្រូវខុសត្រូវដោយខ្លួនឯង។
នៅក្នុងឆ្នាំ 2015 ខ្ញុំបានសិក្សាជំនាញបច្ចេកទេសផ្នែកម៉ាស៊ីនត្រជាក់ នៅវិទ្យាស្ថានបច្ចេកទេស
ឧស្សាហកម្មរយៈពេល 2 ឆ្នាំ នៅវេនយប់ដោយសារខ្ញុំត្រូវធ្វើការតាំងពីព្រឹករហូតដល់ល្ងាច។ ខ្
ញុំតែងតែសុបិនចង់ក្លាយជាវិស្វករម្នាក់តាំងពីខ្ញុំនៅក្មេង ហើយទីបំផុតខ្ញុំបានបញ្ចប់ថ្នាក់
បរិញ្ញាបត្រវិស្វកម្មអគ្គិសនីពីវិទ្យាស្ថានពហុបច្ចេកទេសព្រះកុសុមៈក្នុងរយៈពេលមួយឆ្នាំក្រោយមក។
មុនពេលដែលខ្ញុំបានចូលរួមជាមួយក្រុមហ៊ុន Panasonic ខ្ញុំបានអនុវត្តជំនាញរបស់ខ្ញុំក្នុងនាមជា
វិស្វករអគ្គិសនីសម្រាប់ម៉ាស៊ីនត្រជាក់រយៈពេល 2 ឆ្នាំ ដោយមើលឃើញថាវាជាឱកាសដ៏ល្អបំផុត
សម្រាប់ខ្ញុំក្នុងការប្រើប្រាស់ចំណេះដឹងដែលខ្ញុំទទួលបាននៅសាលារៀន។ ក្នុងរយៈពេលពីរបីខែ ខ្ញុំ
ត្រូវបានឡើងតំណែងជាអ្នកត្រួតពិនិត្យជំនួយការផ្នែកអគ្គិសនី។
តើអ្នកធ្វើជាអ្វីនៅក្រុមហ៊ុន Panasonic?
ការធ្វើការឱ្យក្រុមហ៊ុនសកលដូចជាក្រុមហ៊ុន Panasonic ពិតជាបទពិសោធន៍មួយដែលមិនគួរឱ្យជឿ។ បច្ចុប្បន្ននេះ ខ្ញុំជាវិស្វករអេឡិចត្រូនិច ហើយខ្ញុំពិតជារីករាយណាស់ដែលធ្វើការនៅទីនេះ។
ខ្ញុំសូមអរគុណដល់ក្រុមការងារផ្នែកគ្រប់គ្រង បុគ្គលិករៀមច្បង និងសមាជិកក្រុមការងារទាំងអស់ ដែលតែងតែធ្វើការបង្រៀន ឬផ្តល់ដំបូន្មានដល់ខ្ញុំដោយផ្ទាល់ និងដោយប្រយោល។។
បន្ទាប់ពីចូលរួមជាមួយក្រុមហ៊ុន Panasonic ទើបខ្ញុំដឹងថា "ការដែលគ្រាន់តែបំពេញការងារ" គឺមិនទាន់ល្អគ្រប់គ្រាន់នៅឡើយទេ ពីព្រោះយើងក៏ត្រូវយកចិត្តទុកដាក់ចំពោះអារម្មណ៍របស់អតិថិជនយើងផងដែរ។ ខ្ញុំបានដឹងថា ឥរិយាបថ និងអាកប្បកិរិយាគឺពិតជាជះឥទ្ធិពល និងឆ្លុះបញ្ចាំងពីម៉ាក។ ដូចនេះដើម្បីក្លាយជាបុគ្គលិកសេវាកម្មដ៏ល្អម្នាក់ យើងត្រូវមានទាំងជំនាញបច្ចេកទេស និងជំនាញទន់។ យើងម្នាក់ៗត្រូវតែធ្វើការដោយអនុវត្តតាម SOP ដែលក្រុមការងារផ្នែកគ្រប់គ្រងបានកំណត់សម្រាប់បុគ្គលិក។
ឧទាហរណ៍ បន្ទាប់ពីយើងបានទទួលបណ្តឹងទាមទារសេវាកម្មពីអតិថិជនរបស់យើង យើងត្រូវតែស្តាប់ដោយយកចិត្តទុកដាក់អំពីតម្រូវការរបស់ពួកគេ ហើយធ្វើការឆ្លើយតមឱ្យបានត្រឹមត្រូវ បន្ទាប់ពីនោះយើងត្រូវពិនិត្យមើល និងជួសជុលសម្ភារអេឡិចត្រូនិចរបស់ពួកគេដោយយកចិត្តទុកដាក់ និងពន្យល់ឬទាក់ទងជាមួយអតិថិជនឱ្យបានគួរសម និងច្បាស់លាស់។
ជាចុងក្រោយ វាជាគោលដៅរបស់យើងក្នុងការធ្វើឱ្យអតិថិជនក្លាយជាអ្នកគាំទ្រដ៏ស្មោះត្រង់របស់ក្រុមហ៊ុន Panasonic ដោយផ្តល់ជូនពួកគេនូវដំណោះស្រាយ និងសេវាកម្មដ៏ល្អបំផុត។
តើអ្នកពេញចិត្តក្រុមហ៊ុន Panasonic ត្រង់ចំណុចណា?
ខ្ញុំមានមោទកភាពដែលទទួលបានឱកាសធ្វើការជាមួយក្រុមហ៊ុន Panasonic ពីព្រោះក្រុមហ៊ុននេះមានកេរ្តិ៍ឈ្មោះល្បីកម្រិតសកល ជួយឱ្យការរស់នៅរបស់ខ្ញុំប្រសើរឡើង និងផ្តល់ឱ្យខ្ញុំនូវអត្ថប្រយោជន៍ផ្សេងៗដូចជា ការធានារ៉ាប់រងជិវិត បរិយាកាសការងារដ៏ល្អ និងឱកាសជាច្រើនក្នុងការអភិវឌ្ឍខ្លួន តាមរយៈការបណ្តុះបណ្តាលឬសិក្ខាសាលា ក្នុងការបង្កើននូវចំណេះដឹង និងអភិវឌ្ឍជំនាញផ្ទាល់ខ្លួន។ ក្រុមហ៊ុន Panasonic ក៏ផ្តល់ជូននូវប្រាក់លើកទឹកចិត្ត ផ្អែកតាមបទពិសោធន៍ ការអនុវត្តការងារ និងសមត្ថភាពរបស់បុគ្គលិកផងដែរ។ ទោះបីជាខ្ញុំបានប្រឈមនឹងបញ្ហាជាច្រើនក៏ដោយ ក៏ខ្ញុំនៅតែទទួលបានការបង្រៀន ការគាំទ្រ និងលើកទឹកចិត្តឥតឈប់ឈរពីសំណាក់ក្រុមការងារ។
ឧទាហរណ៍ ក្រុមការងារដែលឈរជើងនៅមជ្ឈមណ្ឌលសេវាកម្មគឺមានទឹកចិត្តល្អខ្លាំងណាស់ តែងតែជួយគ្នាទៅវិញទៅមកជានិច្ច។ យើងចងចាំជានិច្ចថាយើងគឺជាក្រុមតែមួយ មានគោលដៅរួមគឺបម្រើសេវាដល់អតិថិជនឱ្យបានល្អបំផុត។ខ្ញុំជឿជាក់យ៉ាងមុតមាំថា ក្រុមហ៊ុន Panasonic អាចបន្តផ្តល់ភាពរីករាយក្នុងជីវិតដល់អតិថិជនបាន តាមរយៈឧបករណ៍អេឡិចត្រូនិចដ៏ទំនើប ព្រមទាំងផ្តល់ឱ្យបុគ្គលិកនូវភាពរីករាយក្នុងជីវិតតាមរយៈការអភិវឌ្ឍសមត្ថភាពរបស់ពួកគេផងដែរ។
![Yann Yarina](/content/dam/Panasonic/corporate/kh/km/about-panasonic/careers/life-at-panasonic/Meet-Our-People-8.jpg)
Yann Yarina
Marketing Executive
តើអ្នកបានធ្វើអ្វី មុនពេលចូលរួមជាមួយក្រុមហ៊ុន Panasonic?
មុនពេលចូលរួមជាមួយក្រុមហ៊ុន Panasonic ខ្ញុំធ្លាប់ធ្វើជាអ្នកលក់ និងអ្នកគ្រប់គ្រងស្តុកនៅ
ក្នុងហាងលក់សម្លៀកបំពាក់ឯកជនមួយដែលមានទីតាំងនៅរាជធានីភ្នំពេញ។ បន្ទាប់ពីនោះមក
ខ្ញុំបានផ្លាស់ប្តូរវិស័យការងារ ហើយបានធ្វើការជាអ្នកនិពន្ធបែបច្នៃប្រឌិតក្រៅម៉ោងសម្រាប់ទំព័រ
Facebook ដ៏ពេញនិយមមួយ។ បន្ទាប់ពីទទួលបានបទពិសោធន៍រយៈពេល 2 ឆ្នាំ ខ្ញុំសម្រេចចិត្ត
ដាក់ពាក្យធ្វើជាអ្នកទីផ្សារ ហើយបានជ្រើសរើសឱ្យអោយបំរើការនៅក្រុមហ៊ុន Panasonic។
តើអ្នកធ្វើជាអ្វីនៅក្រុមហ៊ុន Panasonic?
នៅពេលដែលខ្ញុំចូលរួមក្នុងក្រុមហ៊ុន Panasonic ដំបូង ខ្ញុំត្រូវទទួលខុសត្រូវផ្នែកខ្សែសង្វាក់ផលិតផលថែរក្សាសម្រស់ដោយធ្វើការជាអ្នកទីផ្សារផលិតផល។ ឥឡូវនេះ ខ្ញុំទទួលបន្ទុកផ្នែកសម្ភារប្រើប្រាស់ខ្នាតតូចដូចជា ផលិតផលថែរក្សាសម្រស់ និងការរស់នៅ ក៏ដូចជាផលិតផលសម្រាប់បន្ទប់ទឹក។ ខ្ញុំមានឱកាសជាច្រើនក្នុងការអភិវឌ្ឍជំនាញដែលខ្ញុំមានផងដែរ។ ការធ្វើជាអ្នកទីផ្សារផលិតផលបានបង្រៀនខ្ញុំថា ទទួលខុសត្រូវចម្បងគឺមិនមែនត្រឹមតែលក់ផលិតផលដល់អតិថិជនប៉ុណ្ណោះទេ ប៉ុន្តែថែមទាំងគ្រប់គ្រងលំហូរភាគហ៊ុន ដោយគ្រប់គ្រងសកម្មភាពទីផ្សារដែលមានប្រសិទ្ធភាព ទាំងនៅក្រៅបណ្តាញ និងនៅលើអ៊ីនធឺណិត និងធ្វើឱ្យមនុស្សដឹងអំពីលក្ខណៈពិសេសនៃផលិតផលរបស់យើងផងដែរ បើប្រៀបធៀបទៅនឹងម៉ាកផ្សេងទៀត។
តើអ្នកពេញចិត្តក្រុមហ៊ុន Panasonic ត្រង់ចំណុចណា?
ក្រុមហ៊ុន Panasonic គឺជាក្រុមហ៊ុនសកលមួយដែលផ្តល់នូវបរិយាកាសការងារទូលំទូលាយ ដែលបុគ្គលិកទាំងអស់ធ្វើការឆ្ពោះទៅកាន់គោលដៅតែមួយ។ ក្រុមហ៊ុន Panasonic តែងតែលើកទឹកចិត្ត និងជំរុញទឹកចិត្តបុគ្គលិកឱ្យផ្លាស់ប្តូរគំនិត និងកែលម្អស្ថាប័នជាមួយគ្នា ដែលខ្ញុំកោតសរសើរយ៉ាងខ្លាំង។
![Seom Sreynorng](/content/dam/Panasonic/corporate/kh/km/about-panasonic/careers/life-at-panasonic/Meet-Our-People-9.jpg)
Soem Sreynorng
Accounting Executive
តើអ្នកបានធ្វើអ្វី មុនពេលចូលរួមជាមួយក្រុមហ៊ុន Panasonic?
ការងារតំបូងរបស់ខ្ញុំធ្វើជាអ្នកទទួលភ្ញៀវ និងជំនួយការគណនេយ្យករនៅក្នុងសាកលវិទ្យាល័យមួយ
នៅទីក្រុងភ្នំពេញ។ បន្ទាប់មក ខ្ញុំបានប្តូរទៅធ្វើជាភ្នាក់ងារអចលនទ្រព្យដែលខ្ញុំត្រូវបានគេចាត់
តាំងឱ្យគ្រប់គ្រងរាល់គណនីទាំងអស់ដែលទទួលបាន។ បន្ទាប់មក ខ្ញុំបានផ្លាស់ទៅក្រុម
ហ៊ុនសាងសង់អាងហែលទឹកមួយនៅប្រទេសកម្ពុជា។ នៅឆ្នាំ 2019 ខ្ញុំបានចូលរួមជាមួយក្រុមហ៊ុន
Panasonic ដោយធ្វើជាជំនួយការគណនេយ្យ។
តើអ្នកធ្វើជាអ្វីនៅក្រុមហ៊ុន Panasonic?
នៅក្រុមហ៊ុន Panasonic ខ្ញុំគ្រប់គ្រង AR/AP ប្រមូលចំណូលពីការលក់ ធ្វើការទូទាត់ប្រាក់ កត់ត្រាចរន្តសាច់ប្រាក់ និងបង្កើតរបាយការណ៍ធនាគារ។ ខ្ញុំក៏រៀបចំ និងចាត់ចែងកិច្ចការសម្រាប់សាច់ប្រាក់ របាយការណ៍ប្រចាំខែដែលយើងផ្ញើទៅទីស្នាក់ការកណ្តាលប្រចាំតំបន់នៅប្រទេសសិង្ហបុរី រៀបចំការប្រកាសពន្ធប្រចាំខែ ក៏ដូចជាឯកសារ និងការទូទាត់ប្រាក់ដើម្បីដាក់ជូនទៅ NSSF ផងដែរ។ ខ្ញុំពិនិត្យមើលរាល់ការចំណាយ / ចំណូល ធ្វើកិច្ចការរដ្ឋបាល រក្សាទុកនិងរៀបចំឯកសារ ទូទាត់ប្រាក់តាមធនាគារ និងប្រមូលរបាយការណ៍ធនាគារ ផ្ដល់ជំនួយ និងឆ្លើយតបរាល់សំណើរបស់បុគ្គលិក ឬសំណួរណាមួយពីក្រុមការងារគណនេយ្យនៅប្រទេសសិង្ហបូរី និងគ្រប់គ្រងកិច្ចការលទ្ធកម្មផងដែរ។ លើសពីនេះ ខ្ញុំក៏ជួយសម្របសម្រួលដល់ដំណើរការយ៉ាងរលូនរបស់គណនេយ្យ ការរាយការណ៍អំពីប្រតិបត្តិការ PACB និងកិច្ចការរដ្ឋបាលមួយចំនួនផងដែរ។
តើអ្នកពេញចិត្តក្រុមហ៊ុន Panasonic ត្រង់ចំណុចណា?
ខ្ញុំពិតជាពេញចិត្តនឹងធ្វើការនៅក្រុមហ៊ុន Panasonic ខ្លាំងណាស់ ពីព្រោះសមាជិកទាំងអស់មានភាពរួសរាយរាក់ទាក់ចំពោះគ្នាទៅវិញទៅមក។ អ្នកគ្រប់គ្នាចេះជួយគ្នាទៅវិញទៅមក នៅពេលដែលយើងត្រូវការជំនួយណាមួយ ហើយក្រុមការងារផ្នែកគ្រប់គ្រងមានទំនាក់ទំនងយ៉ាងល្អជាមួយបុគ្គលិកទាំងអស់។ លើសពីនេះទៅទៀត ផ្នែកគ្រប់គ្រងពិតជាយកចិត្តទុកដាក់ចំពោះបុគ្គលិកយ៉ាងខ្លាំង។ ឧទាហរណ៍ នៅពេលដែលខ្ញុំឈឺ ពួកគេបានសំដែងការព្រួយបារម្ភ នៅពេលដែលក្រុមហ៊ុនធានារ៉ាប់រងក្នុងស្រុករបស់ខ្ញុំមិនបានរ៉ាប់រងលើការចំណាយរបស់ខ្ញុំ គណៈគ្រប់គ្រងជនជាតិជប៉ុនរបស់យើងបានស្នើសុំឱ្យជូនខ្ញុំទៅមន្ទីរពេទ្យជប៉ុនជំនួសវិញ។ នេះបង្ហាញពីឥរិយាបថនៃការគ្រប់គ្រងដ៏ល្អចំពោះបុគ្គលិកទាំងអស់ ហើយខ្ញុំពិតជារីករាយខ្លាំងណាស់។