DMC-FZ2500 កាមេរ៉ាឌីជីថល LUMIX - ក្រុមហ៊ុន Panasonic

លក្ខណៈពិសេស

កែវកូនកាត់រូបថត/វីដេអូដែលទើបនឹងបង្កើតថ្មី

ឡេនកូនកាត់រូបថត/វីដេអូដែលទើបនឹងបង្កើតថ្មី

ប្រព័ន្ធឡេននេះមានរចនាសម្ព័នពង្រីកផ្នែកខាងក្នុងដោយមានយន្តបង្គោលតម្រង់សម្រាប់ការបង្រួមរលូន និងមានស្ថិរភាព និងទប់ស្កាត់ការផ្លាស់ប្តូរខ្លាំងលើរូបភាពបាន 80% បើប្រៀបធៀបជាមួយប្រព័ន្ធពីមុន FZ1000។ ម៉ូទ័រ DC ដែលគ្មានស្នូលក៏អាចជួយពង្រីកបង្រួមយឺតៗជាប់ៗគ្នាពីទទឹងដល់ចំណុចចុងពង្រីក 20x។

Galvanometer drive iris ដែលត្រូវបានប្រើនៅក្នុងកាមេរ៉ាវីដេអូអាជីពអាចសម្របបានជាមួយនឹងការផ្លាស់ប្ដូររហ័សនៃពន្លឺ។ ការធ្វើបែបនេះធានាបាននូវការគ្រប់គ្រង iris បានដោយរលូន និងងាយស្រួល ទោះបីជានៅពេលពង្រីកបង្រួមក៏ដោយ។

ការពង្រីក/បង្រួមអុបទិក 20x នៅក្នុងតួម៉ាស៊ីនតូចមួយ

ឡេន LEICA DC VARIO-ELMARIT ប្រភេទថ្មីមានកម្រិតពន្លឺ F2.8-4.5 ដែលធន់នឹងភាពព្រិលសូមតែសម្រាប់ការថតរូបភាពធំទូលាយ និងមុំនៃទិដ្ឋភាពពង្រីកពី 24mm មុំទូលាយទៅដលការពង្រីកអុបទិក 20x នៅពេលនៅតែរក្សាទំហំតួម៉ាស៊ីនដដែល។

បណ្ដុំឡេនមាន 16 ធាតុក្នុង 11 ក្រុមដែលរួមមាន ឡេន ED 4, ឡេនស្វ៊ែ 5 ដែលមានផ្ទៃស្វ៊ែ 8 និងឡេន UHR មួយ។ ឡេននេះស្របតាមស្តង់ដារដ៏តឹងរ៉ឹងរបស់ Leica ចំពោះតម្លៃ MTF និងការបំបាត់ស្រមោល និងពន្លឺចាំង។

បច្ចេកវិទ្យាពុម្ពឡេនស្វ៊ែប្លែកពីគេរបស់ Panasonic សម្រេចបាននូវការចាប់ចំណុចរូបភាពមិនបានល្អឱ្យបានរលូនស្មើ និងស្រស់ស្អាតទោះមានជ្រុងមើលមិនឃើញក៏ដោយ។

* សមមូលកាមេរ៉ា 35mm៖ 24-480mm។

តម្រង ND មានស្រាប់សម្រាប់ការគ្រប់គ្រងរយៈពេលចាប់យករូបភាពប្រកបដោយភាពបត់បែន

តម្រង ND មានស្រាប់គឺចាំបាច់សម្រាប់ការថតវីដេអូដែលមានលក្ខណៈច្នៃប្រឌិត។ អ្នកអាចថតវីដេអូខណៈរក្សាកម្រិតនៃរយៈពេលចាប់យករូបភាពជាមួយនឹងល្បឿនបិទ/បើកហ្វីលកាមេរ៉ាថេរ ឬជាមួយសន្ទះរន្ធពន្លឺបើកទោះបីជាមានពន្លឺខ្លាំងក៏ដោយ។ សម្រាប់ការថតរូបគ្មានចលនា វាក៏ផ្តល់នូវបែបផែនព្រិលដ៏ស្រស់ស្អាត និងការថតដោយល្បឿនបិទបើកហ្វីលកាមេរ៉ាយឺត សូម្បីតែស្ថិតក្រោមផ្ទៃមេឃស្រឡះក៏ដោយ។

ម៉ាក្រូថតរូប 3 cm

រូបថតម៉ាក្រូដ៏គួរឱ្យចាប់អារម្មណ៍អាចថតបានជាមួយនឹងចម្ងាយចំណុចចាប់រូបភាពអប្បបរមា 3 សម។ អ្នកអាចរីករាយនឹងការថតរូបភាពយ៉ាងជិតជាមួយ LUMIX FZ2500 ដើម្បីបង្ហាញពីរូបភាពលម្អិតដ៏អស្ចារ្យនៃផ្កា សត្វល្អិត និងអ្វីៗផ្សេងទៀត។

ការបង្កើតវីដេអូដើម្បីស្របនឹងគុណភាពលក្ខណៈអាជីព

LUMIX FZ2500 វិវត្តបន្ថែមទៀត ដើម្បីបំពេញតាមគុណភាពលក្ខណៈអាជីព និងស្តង់ដារដែលមានសមត្ថភាព 4K (រោងកុន 4K៖ 4096 x 2160 / 24 fps និង QFHD 4K៖ ការថតវីដេអូ 3840 x 2160 / រហូតដល់ 30-fps) ក្នុង MOV / MP4 និងការថតវីដេអូកម្រិត Full HD អត្រាប៊ីតខ្ពស់បំផុតនៅកម្រិត 200 Mbps (អ៊ីនត្រាទាំងអស់) / 100 Mbps (IPB) ដោយគ្មានដែនកំណត់ររយៈពេលថត។ លើសពីនេះ មុខងារជាក់ស្ដែងជាច្រើនដែលត្រូវមានសម្រាប់ការថតវីដេអូលក្ខណៈអាជីពត្រូវបានដាក់បញ្ចូលក្នុងពេលថ្មីៗនេះ។

* ប្រើកាតអង្គចងចាំ SDXC/SDHC ដែលត្រូវគ្នានឹងថ្នាក់ល្បឿន UHS 3 (U3) នៅពេលប្រើម៉ូដថតវីដេអូអត្រាប៊ីតខ្ពស់ក្នុងកម្រិត 100 Mbps ឬច្រើនជាងនេះ។

អាជីវកម្មសកលសម្រាប់អ្នកប្រើប្រាស់អាជីព

ទម្រង់វីដេអូ និងអត្រាប៊ីតលក្ខណៈបត់បែនអាចឱ្យ LUMIX FZ2500 ប្រើបានក្នុងកម្មវិធីជាច្រើន។ អ្នកអាចជ្រើសរើសពីទម្រង់នៃការថតចំនួនបួនប្រភេទ៖ AVCHD និង MP4 ដើម្បីងាយស្រួលចាក់វីដេអូ ឬ MP4 (LPCM) និង MOV សម្រាប់ងាយស្រួលក្នុងការកែសម្រួល។ អត្រាប៊ីតនឹងពង្រីករហូតដល់កម្រិតអតិបរមា 200 Mbpas (អ៊ីនត្រាទាំងអស់) ឬ 100 Mbps (IPB) ដោយមិនមានកំណត់ពេលវេលាថត សម្រាប់ដំណើរការថតវីដេអូដែលបំពេញតាមតម្រូវការរបស់អ្នកជំនាញផ្នែកថតរូប។

ប្រេកង់ប្រព័ន្ធអាចជ្រើសរើសពីកម្រិត 59.94 Hz (NTSC), 50.00 Hz (PAL), ឬ 24.00 Hz (រោងកុន)។

ចាក់វីដេអូបន្តផ្ទាល់តាមរយៈ HDMI

LUMIX FZ2500 មានសមត្ថភាពរន្ធបញ្ចេញរូបភាពក្នុងពេលវេលាជាក់ស្ដែង (4:2:2/8 bit or 4:2:2/10 bit) ទៅម៉ូនីទ័រខាងក្រៅតាមរយៈខ្សែ HDMI ខ្នាតតូចដែលជាជម្រើសខាងក្រៅ*។ វាសមស្របសម្រាប់ការបង្កើតវីដេអូលក្ខណៈអាជីពដែលតម្រូវឱ្យមានការត្រួតពិនិត្យលើរូបភាពយ៉ាងដិតដល់។ អ្នកអាចជ្រើសរើសដើម្បីបញ្ចេញតែខ្លឹមសារថត ឬខ្លឹមសារជាមួយម៉ឺនុយការកំណត់នីមួយៗអាស្រ័យលើការបង្ហាញ។

* នៅពេលប្រើរន្ធ 4:2:2/10-bit ការថតវីដេអូដំណាលគ្នាលើកាតអង្គចងចាំ SDXC/SDHC ក្នុងកាមេរ៉ាមិនអាចទៅរួចទេ។ នៅពេលប្រើប្រាស់រន្ធ 4:2:2/8-bit វីដេអូដែលត្រូវបានថតនៅក្នុងកម្រិត 4:2:0/8-bit នៅលើកាតអង្គចងចាំ SDXC/SDHC នៅក្នុងកាមេរ៉ា។

ចលនាយឺត / លឿន

VFR (អត្រាហ្វ្រេមអថេរ) អនុញ្ញាតឱ្យអ្នកថតវីដេអូដោយចលនាយឺតឬលឿនដូចជា 120 fps / 5x,* ទាំងអស់នៅក្នុងកម្រិត Full HD។ មុខងារចលនាយឺត / លឿនក៏អនុញ្ញាតឱ្យអ្នកផ្លាស់ប្តូររវាងចលនាយឺត 1/2x និងលឿន 2x ក្នុងវីដេអូតែមួយនៅពេលកំពុងថត។

*ក្នុងល្បឿនចាកសារឡើងវិញ 24p។

ពង្រីកព្រួមទាញថយក្រោយ

បច្ចេកទេសនេះពង្រីក/បង្រួមតែផ្ទៃខាងក្រោយដោយមិនផ្លាស់ប្តូរទំហំវត្ថុ។ ជារឿយៗវាត្រូវបានគេប្រើដើម្បីបង្ហាញពីអារម្មណ៍ដូចជាភាពច្របូកច្របល់ ទុក្ខព្រួយ ឬការភ្ញាក់ផ្អើល។

ហ្គាម៉ាខ្សែភាពយន្ត

"CINELIKE D" និង "CINELIKE V" ផ្ដល់ឱ្យវីដេអូនូវកម្រិតប្រែប្រួលពណ៌ដូចទៅនឹងភាពយន្ត។

ការដំឡើងកម្រិត V-Log L

DMW-SFU1 Upgrade Software Key (លក់ដាច់ពីគ្នា) មានសមត្ថភាពធ្វើឡុកវីដេអូ (V-Log L) ជាមួយនឹងភាពបត់បែនយ៉ាងពិសេសក៏ដូចជាមុខងាររក្សាគុណភាពរូបភាពនៅតែច្បាស់ខ្លាំងសម្រាប់ការបែងចែកគុណភាពពណ៌នៅក្នុងដំណើរការផលិតវីដេអូក្រោយថតរួច។ វាបង្កើនលក្ខណៈឡុកនៅក្នុង 12 stop ជាមួយខែ្សកោងសម្គាល់ និង LUT (Look Up Table) អាចប្រើជាទូទៅ។

ប្រភេទប្រតិបត្តិការ

GUI គឺសម្រាប់ការប្រើប្រាស់វីដេអូផ្តាច់មុខ។ ប្រភេទប្រតិបត្ដិការគឺអាចជ្រើសរើសបានពី រយៈពេលបិទបើកហ្វីលកាមេរ៉ា/ISO, មុំ/ISO, ឬ រយៈពេលបិទបើកហ្វីលកាមេរ៉ា/dB។

កូដរយៈពេល

កូដពេលវេលាអនុវត្តតាម SMPTE នៅក្នុងវិធីសាស្រ្ត Rec Run ឬ Free Run បង្កើតឱ្យមានភាពងាយស្រួលក្នុងការធ្វើសមកាលកម្មវីដេអូ ឬប្រភពសំឡេងជាច្រើននៅក្នុងលំហូរការងារក្រោយផលិតកម្ម។ ហ្វ្រេមធ្លាក់ចុះ ឬមិនធ្លាក់ក៏អាចជ្រើសរើសបានក្នុងការកំណត់ 59.94Hz ឬ 23.98Hz ផងដែរ។

សេនស័រធំទំហំ 1-អ៊ីញ – រូបភាពដ៏មិនគួរឱ្យជឿទោះស្ថិតក្នុងពន្លឺខ្សោយ

សេនស័រ MOS ដែលមានកម្រិតឆ្លើយតបខ្ពស់ទំហំធំ 1-អ៊ីញកម្រិត 20.1-មេហ្គាភិចសែលអាចកែលម្អសមាមាត្រ S/N ដែលធ្វើឱ្យការចាប់យករូបភាពច្បាស់ដោយមានគ្រាប់អុចតិចបំផុតទោះជាថតនៅកម្រិត ISO12800 / ISO25600 ពង្រីក។ ពន្លឺក្នុងកម្រិតច្រើនជួយបង្កើតភាពព្រិលគួរឱ្យភ្ញាក់ផ្អើលជាមួយនឹងជម្រៅរូបភាពរាក់ៗ។ វាអនុញ្ញាតឱ្យអ្នកចាប់យករូបភាពដែលមិនគួរឱ្យជឿនៅក្នុងស្ថានភាពថតផ្សេងៗគ្នា។

អង្គដំណើរការរូបភាពកម្រិតខ្ពស់ដោយប្រើម៉ាស៊ីន Venus

LUMIX FZ2500 រួមបញ្ចូលម៉ាស៊ីន Venus ដែលដូចគ្នានឹងកាមេរ៉ាដែលមានប្រព័ន្ធលំដាប់ខ្ពស់ LUMIX ដែរ។ វាអាចជួយឱ្យការចាប់យករូបភាពមានគុណភាពខ្ពស់ និងដំណើរការរលកសំឡេងល្បឿនលឿនដែលត្រូវការសម្រាប់ការថតវីដេអូ 4K និងការថតវីដេអូអត្រាប៊ីតខ្ពស់។ ការរួមបញ្ចូលគ្នានៃសេនស័រ MOS ដែលមានកម្រិតឆ្លើយតបខ្ពស់ និងម៉ាស៊ីន Venus ធ្វើឱ្យទទួលបាននូវគុណភាពរូបភាពដែលមិនគួរឱ្យជឿទោះនៅក្នុងស្ថានភាពពន្លឺខ្សោយក៏ដោយ។ កម្រិតឆ្លើយតប ដំណើរការកម្រិតបម្រែបម្រួល ការផលិតគុណភាពបង្ហាញនិងពណ៌ឡើងវិញ និងត្រូវបានកែលម្អយ៉ាងច្រើនដើម្បីទទួលបានគុណភាពរូបភាពកាន់តែបានខ្ពស់។

ការធ្វើចំណុចចាប់រូបភាពល្បឿនលឿន

ផ្តិតយករូបបានបើទោះជាសកម្មភាពកំពុងផ្លាស់ទីរហ័សបំផុត ដោយប្រើបច្ចេកវិទ្យា DFD (Depth From Defocus)។ វានឹងគណនាចម្ងាយទៅវត្ថុនោះភ្លាមៗ ដោយវាយតម្លៃនូវរូបភាពពីរដែលមានកម្រិតមុតខុសៗគ្នា និងសម្រេចបាននូវការចាប់ចំណុចរូបភាពស្វ័យប្រវត្តិល្បឿនលឿន និងការថតច្រើន AF ប៉ុស្តិ៍ក្នុងល្បឿន 7 fps/វិ ជាមួយមុខងារចាប់ចំណុចរូបភាពស្វ័យប្រវត្តិសម្រាប់ច្រើនប៉ុស្តិ៍ (AFC)។
ការថតរូបញាប់ 12 fps/វិ ជាមួយមុខងារ AFS។

អេក្រង់ OLED LVF ទំហំធំ 0.74x ដែលមាន 2,360k-dot

Live View Finder ប្រភេទ OLED ដែលមានគុណភាពបង្ហាញខ្ពស់កម្រិត 2,360k-dot អនុញ្ញាតឱ្យមានសភាពមើលឃើញខ្ពស់ដោយមានកម្រិតពណ៌ 10,000:1 និងកម្រិតហ្វ្រេមល្អឥតខ្ចោះទោះបីស្ថិតនៅក្រោមពន្លឺព្រះអាទិត្យផ្ទាល់ក៏ដោយ។ ការពង្រីកកម្រិតខ្ពស់ 0.74x (សមមូលនឹងកាមេរ៉ា 35 មម) និងមុំមើលធំទូលាយធ្វើឱ្យមានភាពងាយស្រួលមើលឃើញពីភាពលម្អិតរបស់រូបភាព សូម្បីតែងាកភ្នែកចេញឆ្ងាយពីចំណុចកណ្តាលនៃផ្ទៃកាមេរ៉ា ក៏ដោយ។

ម៉ូនីទ័រក្រោយដែលមានសមត្ថភាពទ្រេត/វិលផ្ដល់ឱ្យអ្នកនូវសេរីភាពក្នុងមើលឃើញទិដ្ឋភាពប្លែកៗ ខណៈពេលបន្តប្រតិបត្តិការដ៏ងាយស្រួលនិងការគ្រប់គ្រងរូបភាពពេញលេញ។ លើសពីនេះ ការបញ្ជាប៉ះអនុញ្ញាតឱ្យអ្នកកំណត់ចំណុចចាប់រូបភាពនៅលើវត្ថុបានភ្លាមៗ ដោយគ្រាន់តែប៉ះវានៅលើអេក្រង់ហើយថែមទាំងអនុញ្ញាតឱ្យអ្នកបញ្ចេញសន្ទះបិទបើកហ្វីលកាមេរ៉ាដោយការប៉ះតែមួយដងផងដែរ។

ប្រតិបត្ដិការបារ៉ែល ប្រើកែវឆ្លាតវៃ ដោយផ្ទាល់

ប្រព័ន្ធបញ្ជាកងពីរអាចជួយផ្ចង់ និងពង្រីកបង្រួមបានដូចជាឡេនពង្រីកបង្រួម LUMIX G។ តម្រង ND ដែលភ្ជាប់មកស្រាប់រួមនឹងប៊ូតុង Fn ចំនួនបីនៅលើបារ៉ែលឡេនផ្តល់នូវប្រតិបត្តិការវីដេអូរលូនដូចទៅនឹងកាមេរ៉ាថតវីដេអូលក្ខណៈអាជីព។ ការកំណត់សីតុណ្ហភាពពណ៌សខ្មៅ និងការកំណត់ពង្រីក/បង្រួមយឺតនិងលឿនអាចដាក់នៅក្នុងប៊ូតុង Fn ដើម្បីបង្កើនប្រសិទ្ធភាពប្រតិបត្តិការណ៍វីដេអូ។

គ្រប់យ៉ាងស្ថិតនៅក្នុងទីតាំងត្រឹមត្រូវ

រូបរាងដ៏ល្អឥតខ្ចោះផ្តល់នូវការចាប់កាន់នឹងល្អដោយមិនប្រើកម្លាំងច្រើន ទោះបីជាទម្ងន់ធ្ងន់ក៏ដោយ។ ប្រព័ន្ធចុចពីរផ្នែកខាងមុខ/ខាងក្រោយអាចជួយកំណត់ល្បឿនថត និងរន្ធពន្លឺកាមេរ៉ា ដូចជាកាមេរ៉ា LUMIX G ដែរ។ ការចុចប៊ូតុង ឃ្នាស់ និងប្លង់ផ្លាស់ប្តូរល្អបំផុតផ្តល់ជូននូវការគ្រប់គ្រងដោយវិចារណញាណ និងងាយស្រួលសម្រាប់ទាំងការថតរូប និងវីដេអូ។

ចំណុចភ្ជាប់សម្រាប់ការតភ្ជាប់បន្ថែម

LUMIX FZ2500 ភ្ជាប់មកជាមួយនឹងចំណុចតភ្ជាប់ជាច្រើនដូចជា៖ រន្ធមីក្រូហ្វូន 3.5 មម, រន្ធដោតកាស 3.5 មម, រន្ធ 2.5 មមសម្រាប់ការបញ្ជាពីចម្ងាយ។

ដោយរួមបញ្ចូលគ្នាជាមួយមីក្រូហ្វូនកាណុងថតស្តេរ៉េអូ DMW-MS2 (ដាក់លក់ដោយឡែក) អ្នកអាចផ្លាស់ប្ដូរការកំណត់ដូចខាងក្រោមនៅម៉ឺនុយកាមេរ៉ា៖ ស្តេរ៉េអូ ឡេនអូតូ កាណុងថត កាណុងថតស៊ូភឺ និងសៀវភៅណែនាំ

គ្រាដែលមិនអាចបំភ្លេចបានជាមួយរួបថត 4K

អរគុណដល់បច្ចេកវិទ្យា 4K នៅក្នុង LUMIX FZ2500, រួបថត 4K អនុញ្ញាតឱ្យអ្នកចាប់យកពេលវេលាដ៏ល្អឥតខ្ចោះក្នុងរយៈពេល 30fps ហើយជ្រើសរើសរូបថតល្អបំផុតរបស់អ្នកបន្ទាប់ពីថត។ ថត ជ្រើសរើស និងរក្សាទុក។ ជាមួយម៉ូដរួបថត 4K លើ LUMIX FZ2500, ធ្វើឱ្យគ្រា, ដែលមិនអាចរំលងបានយ៉ាងពិតប្រាកដ។

ថតឥឡូវ ផ្ចង់នៅពេលក្រោយ

ស្រមៃថាអ្នកអាចសម្រេចថាអ្វីដែលអ្នកចង់ផ្តោតលើ ទោះបីបន្ទាប់ពីអ្នកទើបថតរូបក៏ដោយ។ មុខងារ Post Focus អាចឱ្យអ្នកថតបានដូច្នោះ។ គ្រាន់តែថតរូបទេសភាពណាមួយ ពិនិត្យមើលរូប ហើយប៉ះលើផ្នែកនៃរូបដែលអ្នកចង់បានភាពច្បាស់។ វាសាមញ្ញ ស្រស់ស្អាត ហើយមានទាំងអស់នៅក្នុងកាមេរ៉ា។

កែតម្រូវតំបន់ផ្ដោត បន្ទាប់ពីថតរួច

មុខងារបណ្តុំផ្ដោតអាចឱ្យអ្នកកែតម្រូវតំបន់ផ្ដោតរូបភាព ក្រោយពេលថតតាមរយៈការបញ្ចូលរូបច្រើនរួមគ្នា។ អ្នកអាចទទួលបានរូបភាពជាមួយនឹងប្រភេទ defocus ដែលអ្នកចង់បាន ឬ pan-focus លើរូបភាពតាមរយៈការជ្រើសរើសតំបន់ចាប់រូបភាពក្រោយថត។ វាមានសារៈប្រយោជន៍នៅពេលថតរូបម៉ាក្រូដូចជាសត្វល្អិត គ្រឿងតូចៗ ជាដើម។