KX-TGP600 Sip Dect телефоны

SIP-DECT телефоны – шағын бизнес үшін тамаша таңдау

KX-TGP600 SIP-DECT телефоны SIP протоколы арқылы HD VoIP көмегімен қоңырау шалудың барлық артықшылықтарын және сымсыз телефондардың классикалық функцияларын (DECT технологиясы) біріктіреді.

Мүмкіндіктер

Қарым-қатынас және қозғалыс еркіндігі

Телефон тікелей Интернет желісіне қосылып, SIP-протоколы бойынша ыңғайлы әрі тиімді байланысты қамтамасыз етеді. SIP-телефонының қай жерде – бір ғимаратта не әртүрлі қалаларда – орнатылғанына қарамастан, кеңселік немесе корпоративтік телефон байланысын ұйымдастыру оңай болады. Бар болғаны телефонды Интернетке немесе роутерге қосып, SIP есептік жазбасының параметрлерін баптау жеткілікті, сонда жүйе қолданысқа дайын болады. DECT стандартына қолдау көрсету KX-TGP600 SIP-DECT телефоны сөйлесуді үзбей-ақ кеңседе немесе үйде ары-бері еркін қозғалуға мүмкіндік береді.

Ресейлік IР-провайдерлер сынақтан өткізген

Panasonic көптеген жылдар бойы телефония саласындағы әлемдік көшбасшы болып табылады. Сондай-ақ, компания өз жабдығының сапасы мен сенімділігіне үнемі баса назар аударып келеді. Осы саясаттың аясында ресейлік ірі IР-телефония провайдерлерімен SIP-DECT телефондарының бірқатар сынақтары жүргізілді. Сондай-ақ, телефон Asterisk және Broadsoft арқылы сертификатталған

Сегіз мүмкіндік – бір шешім

KX-TGP600 SIP-DECT телефоны – бұл шағын телефон жүйесі. Бір негізгі станцияға 8 сымсыз аппаратқа дейін қосылады. 8 SIP-линияға қолдау көрсетудің арқасында кеңсенің 8 қызметкері бір уақытта сөйлесе алады, сонымен қатар, 8 әртүрлі телефон нөміріне дейін тіркеуге болады. KX-TPA60 тұтқаларынан бөлек қосымша тұтқа ретінде KX-TPА65 SIP-DECT телефонын қосуға болады. Сонымен қатар, KX-UDT121 микро ұялы SIP-DECT телефонын KX-TGP600 негізгі блогына қосуға болады. Бір негізгі блокқа 8 аппаратқа дейін (KX-TPA60, KX-TPA65, KX-UDT121) қосуға болады.

Интернет арқылы қоңырау шалу кезіндегі мінсіз дыбыс сапасы

SIP-DECT телефондарында қолданылатын кең жолақты кодек, шуды азайту және дыбыс деңгейін автоматты реттеу сияқты озық технологиялар сөйлесу кезінде анық және жоғары сапалы дыбысты қамтамасыз етеді, бұл шулы бөлмелерде маңызды болып табылады. Сонымен қатар Panasonic компаниясының бірегей технологиясы кеңседе қозғалу кезінде әлсіз сигналдар немесе кедергілерден пайда болатын қоңыраудың үзілуіне жол бермейді.